ایئر بس کمپنی نے اے 320 طیاروں کا سافٹ ویئر فوری تبدیل کرنے کا فیصلہ کیا ہے۔میڈیا رپورٹس کے مطابق فرانس کی طیارہ ساز کمپنی ایئر بس کمپنی نے اے تھری ٹوئنٹی طیاروں کا سافٹ ویئر فوری تبدیل کرنے کا فیصلہ کیا ہے، کمپنی کے اس عمل سے دنیا بھر میں 6 ہزار طیارے متاثر ہو سکتے ہیں۔امریکن ایئر لائنز، ڈیلٹا ایئر لائنز، ایئر نیوزی لینڈ سمیت کئی کمپنیوں نے پروازوں میں خلل کا انتباہ جاری کر دیا ہے۔
30 اکتوبر کو جیٹ بلیو کا دورانِ پرواز طیارہ کنٹرول کھو کر اچانک بلندی سے نیچے آ گیا تھا، جس سے پتا چلا کہ سولر ریڈی ایشن ڈیٹا کو نقصان پہنچا کر کنٹرول متاثر کر سکتی ہے۔ برطانوی ایوی ایشن اتھارٹی کا کہنا ہے کہ طیاروں کے سافٹ ویئر تبدیلی کے فیصلے سے پروازوں کا شیڈول متاثر ہو سکتا ہے۔طیارے کے سروے سے پتا چلا ہے کہ سولر ریڈی ایشن ڈیٹا کو نقصان پہنچا سکتا ہے، دنیا میں اس وقت ایئر بس کے اے تھری ٹوئنٹی کے چھ ہزار طیارے استعمال کیے جا رہے ہیں۔
