متحدہ عرب امارات نے اعلان کیا ہے کہ نجی شعبے کے ملازمین کو عید میلاد النبی ﷺ کے موقع پر تین روزہ تنخواہ سمیت چھٹی دی جائے گی، جو 5 ستمبر بروز جمعہ سے شروع ہوگی۔یہ تعطیل ہفتہ اور اتوار کے معمول کے ویک اینڈ کے ساتھ مل کر طویل ویک اینڈ کی صورت اختیار کر لے گی۔اس سے قبل حکومت کی جانب سے سرکاری محکموں میں بھی 5 ستمبر کو تعطیل دینے کا اعلان کیا گیا تھا، اس طرح سرکاری اور نجی دونوں شعبوں کے ملازمین کو تین دن کا آرام میسر آئے گا۔