دنیا کا سب سے بڑا انٹرنیٹ سرچ انجن گوگل کسی بھی چیز کی معلومات تک رسائی کا بہترین ذریعہ سمجھا جاتا ہے۔بعض اوقات صارفین بغیر سوچے سمجھے اس پر ایسی چیزیں تلاش کرنا شروع کر دیتے ہیں جو ان کے لیے نقصان دہ ثابت ہو سکتی ہیں، ایک غیر ملکی خبررساں ادارے کی تحقیق میں گوگل صارفین کو پانچ چیزوں کوتلاش کرنے سے اجتناب کرنے کا کہا گیا ہے۔
ایک تو بیماری کی علامات
اگر آپ کو کوئی بیماری لاحق ہے یا ایسی علامات محسوس کریں جس سے آپ کو بیماری کا خدشہ ہو توانہیں گوگل کرنے کے بجائے ڈاکٹر سے رجوع کریں۔یہاں موجود بے تحاشا معلومات آپ کی کوئی مدد تو نہیں کر سکے گی تاہم آپ انہیں دیکھ کر مزید پریشان ہو سکتے ہیں۔گوگل پر معمولی علامات کو لے کر ڈھیروں بیماریوں کا ڈیٹا موجود ہوتا ہے جسے صرف ایک ماہر ڈاکٹر ہی سمجھ سکتا ہے لہذا علامات کو سرچ کرنے سے بہتر ہے کہ آپ ڈاکٹر کے پاس جائیں اور ان کی ہدایت کے مطابق علاج کرائیں۔
دوسرا آپ بم بنانے کی ترکیب تلاش نہ کریں
ہمیشہ یہ بات یاد رکھیں کہ جرائم، منشیات، بم یا کسی قسم کا ہتھیار بنانے سے متعلق گوگل پر معلومات تک رسائی آپ کو ناگہانی مشکلات میں ڈال سکتی ہے۔سیکیورٹی ایجنسیاں اس طرح کی سرچز کی تلاش میں رہتی ہیں اور آپ کے کمپیوٹر کا آئی پی ان کے ڈیٹا بیس میں آ سکتا ہے جس سے آپ نہ چاہتے ہوئے بھی مشکل میں پھنس سکتے ہیں۔
تیسرا کینسر کے بارے میں سرچ کرنے سے گریز کریں
دنیا میں مختلف نوعیت کی بیماریاں پائی جاتی ہیں جن میں سے بعض کی علامات معمول کی بیماریوں جیسے کھانسی، زکام جیسی محسوس ہوسکتی ہیں۔بعض لوگوں کو کمزوری محسوس ہو، یا چکر آ رہے ہوں تو بہتر یہ ہے کہ وہ کسی ڈاکٹر کو دکھائیں کیونکہ اگر یہ علامات گوگل کریں گے تو ان علامات کے لحاظ سے گوگل آپ کو کینسر جیسی موذی بیماری کی بھی تشخیص کر سکتا ہے۔
خطرناک جانور کے بارے میں بھی تلاش کرنے سے گریز کریں
دنیا بھر میں کئی خطرناک جانور پائے جاتے ہیں اور ہو سکتا ہے کہ ان میں سے چند آپ کے خطے میں بھی موجود ہوں۔کوشش کریں کہ ان جانوروں سے متعلق گوگل کی مدد نہ لیں کیونکہ ان کے خوف سے آپ سفر کرنے سے ڈریں گے اور آپ کے معمول کے کام متاثر ہو سکتے ہیں۔
گوگل پر اپنا نام تلاش کرنے سے بھی گریز کریں
کیونکہ اگر آپ اپنا نام گوگل کریں گے تو اس کے ڈیٹا بیس میں موجود آپ کی پرانی تصاویر اور معلومات سامنے آ جائیں گی جو ہو سکتا ہے کہ آپ کے لئے زیادہ خوش گوار ثابت نہ ہوں۔
