انڈونیشیا میں ایک 74 سالہ شخص نے کروڑوں روپے خرچ کرکے خود سے 50 سال کم عمر خاتون سے شادی کرلی۔انڈونیشیا کے صوبے ایسٹ جاوا کے علاقے Pacitan Regency میں یہ حیران کن واقعہ سامنے آیا۔74 سالہ Tarman نے 24 سالہ Shela Arika سے شادی کی اور اس موقع پر دلہن کو 3 ارب انڈونیشین روپے (5 کروڑ پاکستانی روپے سے زائد) ادا کیےشادی کی پرتعیش تقریب یکم اکتوبر کو ہوئی اور اس موقع پر دلہن کو چیک بھی دیا گیا۔ساؤتھ چائنا مارننگ پوسٹ کی رپورٹ کے مطابق یہ واضح نہیں کہ اس جوڑے کی ملاقات کیسے ہوئی دلہن کو چیک پیش کیے جانے کے موقع پر شادی میں موجود مہمانوں نے خوشی کے نعرے لگائے۔
کچھ افراد کا تو خیال تھا کہ اربوں روپے کا چیک بھی جعلی ہے۔کچھ دن بعد Tarman نے سوشل میڈیا پر تصدیق کی کہ دلہن کا دیا جانے والا چیک اصلی تھا اور ان افواہوں کی تردید کی کہ وہ شادی کے بعد فرار ہوگیا تھا۔دلہن کے خاندان نے بھی ان افواہوں کو مسترد کرتے ہوئے کہا کہ جوڑا ہنی مون پر گیا ہوا ہے۔ویڈنگ فوٹوگرافی کمپنی کی جانب سے شکایت درج کرائے جانے کے بعد حکام نے اس حوالے سے تحقیقات شروع کی ہے۔
