سام سنگ کا پہلا ٹرائی فولڈ فون متعارف، قیمت آئی فون سے بھی زیادہ

سام سنگ نے اپنا پہلا تین بار فولڈ ہونے والا اسمارٹ فون متعارف کرا دیا، جو ایک خصوصی ایڈیشن ہونے کے ساتھ ساتھ انتہائی مہنگی قیمت کے باعث عام صارف کی پہنچ سے دور دکھائی دیتا ہے۔کمپنی کے مطابق گلیکسی زیڈ ٹرائی فولڈ 12 دسمبر سے فروخت کے لیے دستیاب ہوگا اور اس کی قیمت 2,443 ڈالر رکھی گئی ہے، جو نئے آئی فون 17 کی قیمت سے دوگنی سے بھی زیادہ ہے۔

یہ فون کھل کر 10 انچ اسکرین فراہم کرتا ہے اور بقول کمپنی کام اور تخلیقی سرگرمیوں کے لیے زیادہ سہولت فراہم کرتا ہے۔ صرف سیاہ رنگ میں دستیاب یہ ڈیوائس 309 گرام وزنی ہے اور فولڈ ہونے پر اس کی موٹائی 0.2 انچ سے بھی کم رہ جاتی ہے۔ٹرائی فولڈ ٹیکنالوجی میں سام سنگ پہلا ادارہ نہیں ہے۔چین کی ہواوے کمپنی گزشتہ سال اسی طرح کا فون پیش کر چکی ہے، جس کی قیمت بھی غیر معمولی طور پر زیادہ تھی۔

View this post on Instagram

A post shared by Tim Schofield (@qbking77)

 عالمی اسمارٹ فون مارکیٹ میں سست رفتاری کے باعث کمپنیاں نئے اور منفرد ڈیزائنز کے ذریعے اپنی مصنوعات کو نمایاں کرنے کی کوشش کر رہی ہیں۔نئے فون میں جنریٹیو اے آئی فیچرز بھی شامل کیے گئے ہیں، جو اسکرین یا کیمرہ شیئرنگ کے دوران فوری معاونت فراہم کرتے ہیں سام سنگ نےاعتراف کیا کہ یہ فون بڑے پیمانے پر فروخت کے لیے نہیں بلکہ خصوصی خریداروں کے لیے تیار کیا گیا ہے۔ کمپنی کے ایگزیکٹو نائب صدر کم سیونگ اُن نے اسے ’’اسپیشل ایڈیشن‘‘ قرار دیا۔

اس اعلان کے پس منظر میں صنعت کے حالیہ اعدادوشمار یہ اشارہ دے رہے ہیں کہ ایپل آئندہ برسوں میں دنیا کی سب سے بڑی اسمارٹ فون ساز کمپنی کے طور پر سام سنگ کو پیچھے چھوڑ سکتا ہے۔ریسرچ فرم کاؤنٹر پوائنٹ کے مطابق 2025 میں ایپل کی عالمی مارکیٹ شیئر 19.4 فیصد جبکہ سام سنگ کی 18.7 فیصد رہنے کا امکان ہے۔ اسی دوران ایپل کے بارے میں یہ افواہیں بھی گردش میں ہیں کہ وہ اگلے سال اپنا فولڈنگ آئی فون پیش کر سکتا ہے۔

حوالہ