انا للہ و انا الیہ راجعونپیر ذوالفقار احمد نقشبندیؒ کے انتقال کی خبر سن کر دلی صدمہ ہوا۔ ان سے عقیدت کا تعلق تھا اور وہ بھی نہایت شفقت رکھتے تھے۔ وہ دینی اور روحانی تربیت کے روشن مینار تھے جنہوں نے اپنی زندگی دینِ اسلام کی خدمت، تزکیۂ نفس، اصلاحِ معاشرہ اور محبت و اخلاص کے پیغام… pic.twitter.com/HHG1PjZUbZ— Ahsan Iqbal (@betterpakistan) December 14, 2025
جمعیت علماء اسلام کے سربراہ مولانا فضل الرحمان نے اپنے تعزیتی بیان میں کہا کہ پیر ذوالفقار نقشبندی کا انتقال ہم سب کے لیے مشترکہ سانحہ ہے۔ انہوں نے کہا کہ مرحوم تصوف کی آبرو اور علم و عمل کے سالار تھے، جنہوں نے نصف صدی سے زائد عرصے تک تصنیف و تالیف، وعظ و نصیحت اور اصلاحِ معاشرہ کی عظیم خدمات انجام دیں۔
پیر طریقت حضرت پیر ذوالفقار احمد نقشبندی صاحب کے وصال کی خبر سے دل انتہائی رنجیدہ اور غمگین ہے. وہ ایک ایسی ہستی تھے جن کی پوری زندگی اللہ کی رضا، دین کی خدمت اور انسانیت کی رہنمائی میں گزری اور ان کی وفات سے امت ایک عظیم رہنما سے محروم ہو گئی.اللہ تعالیٰ حضرت کی مغفرت فرمائے،…— Tariq Jamil (@TariqJamilOFCL) December 14, 2025
معروف عالمِ دین مولانا طارق جمیل نے کہا کہ پیرِ طریقت حضرت پیر ذوالفقار احمد نقشبندی کے وصال کی خبر سے دل انتہائی رنجیدہ ہے۔ وہ ایک ایسی عظیم ہستی تھے جن کی زندگی اللہ کی رضا، دین کی خدمت اور انسانیت کی رہنمائی کے لیے وقف رہی، اور ان کی وفات سے امت ایک بڑے روحانی رہنما سے محروم ہو گئی۔
اِنّا لِلّٰہِ وَاِنّا اِلَیْہِ رَاجِعُونانتہائی رنج و غم کے ساتھ حضرت پیر ذوالفقار احمد نقشبندیؒ کی وفات کی خبر موصول ہوئی۔ یہ سانحہ امتِ مسلمہ کے لیے ایک عظیم دعوتی اور روحانی خسارہ ہے۔ مرحوم اصلاحِ نفس، تزکیۂ قلب اور دین کی خاموش مگر گہری خدمت کا روشن چراغ تھے۔ اللّٰہ تعالیٰ…— Mirwaiz Umar Farooq (@MirwaizKashmir) December 14, 2025
کشمیری حریت پسند رہنما میر واعظ عمر فاروق نے بھی سوشل میڈیا پر جاری بیان میں کہا کہ پیر ذوالفقار نقشبندی کا انتقال امتِ مسلمہ کے لیے ایک عظیم دعوتی اور روحانی خسارہ ہےانہوں نے مرحوم کو اصلاحِ نفس اور تزکیۂ قلب کی خاموش مگر گہری خدمت کا روشن چراغ قرار دیا۔
