ایک معروف چینی مبصر نے اسرائیل کو خبردار کرتے ہوئے کہا ہے کہ اگر اس نے کسی بھی ملک کے خلاف جوہری ہتھیار استعمال کیے تو اس کے سنگین نتائج سامنے آ سکتے ہیں، حتیٰ کہ اسرائیل کا وجود بھی خطرے میں پڑ سکتا ہے۔
یہ بیان سینٹر فار چائنا اینڈ گلوبلائزیشن کے نائب صدر اور سابق سفارت کار وکٹر ژیکائی گاؤ نے ایک حالیہ ویڈیو انٹرویو میں دیا۔ یہ گفتگو 2026 میں اسرائیل اور ایران کے درمیان کشیدگی اور 28 فروری کے بعد پیدا ہونے والی صورتحال کے پس منظر میں ریکارڈ کی گئیوکٹر گاؤ، جو چینی خارجہ پالیسی پر اپنی رائے دینے کے حوالے سے جانے جاتے ہیں، کا یہ بیان سوشل میڈیا پر تیزی سے وائرل ہو رہا ہے۔
مبصرین کے مطابق یہ بیان خطے میں جاری تناؤ کے دوران چین کی جانب سے ایک سخت پیغام تصور کیا جا رہا ہے۔ماہرین کا کہنا ہے کہ اس قسم کے بیانات سے مشرق وسطیٰ کی موجودہ صورتحال مزید حساس ہو سکتی ہے اور خطے میں کشیدگی بڑھنے کے خدشات بھی موجود ہیں۔
