بھارت کی ریاست کرناتک کے ہاویری شہر کے بس اسٹینڈ پر افسوسناک واقعہ رونما ہوا، ایک بے قابو بس پلیٹ فارم پر انتظار کر رہے مسافروں پر چڑھ دوڑی، جس کے نتیجے میں متعدد افراد شدید ہوگئے۔
بھارتی میڈیا رپورٹس کے مطابق حکام کا کہنا ہے کہ ابتدائی تحقیقات میں ڈرائیور کی تیز رفتاری اور لاپرواہی کو حادثے کی اہم وجہ قرار دیا جا رہا ہے۔زخمی مسافروں میں دو سالہ بچہ حضرت علی بھی شامل ہے جس کی حالت تشویشناک بتائی جا رہی ہے اور اسے ہبلی کے کے آئی ایم ایس اسپتال میں داخل کرایا گیا ہے۔
افسوسناک واقعہ کی سی سی ٹی وی فوٹیج منظر عام پر آنے کے بعد مقامی افراد میں شدید غم و غصہ پایا جا رہا ہے اور بس کے ڈرائیور کے خلاف سخت کارروائی کا مطالبہ کیا جا رہا ہے۔ پولیس نے مقدمہ درج کرتے ہوئے واقعے کی تحقیقات کا آغاز کردیا ہے۔
