بھارتی ریاست آسام میں ٹرین ہاتھیوں کے جھنڈ سے ٹکرا گئی جس کے نتیجے میں کم از کم 8 ہاتھی ہلاک جبکہ ایک ہاتھی کا بچہ زخمی ہو گیا۔بھارتی میڈیا کے مطابق حادثے کے بعد ٹرین کے انجن سمیت پانچ بوگیاں پٹری سے اتر گئیں تاہم کسی مسافر کے زخمی ہونے کی اطلاع سامنے نہیں آئی۔بھارتی ریلوے حکام کا کہنا ہے کہ حادثہ تقریباً گزشتہ رات 2 بج کر 17 منٹ پر پیش آیا۔
جب ٹرین آسام کے ہوجائی علاقے سے اپنی منزل کی جانب گامزن تھی۔رپورٹس کے مطابق ہاتھیوں کا ایک جھنڈ اچانک ریلوے پٹری پر آ گیا، ڈرائیور نے ہاتھیوں کو بچانے کے لیے ایمرجنسی بریک لگائی لیکن تیز رفتاری کے سبب ٹرین ہاتھیوں سے ٹکرا گئی۔بھارتی جنگلاتی محکمے کے افسران نے تصدیق کی ہے کہ حادثے میں آٹھ ہاتھی ہلاک ہوئے جبکہ ایک زخمی بچے کو بچا لیا گیا ہے۔
