مسجد نبویؐ کے مؤذن شیخ فیصل نعمان انتقال کر گئے ، انہیں نمازِ فجر کے بعد مدینہ منورہ کے تاریخی جنت البقیع قبرستان میں سپردِ خاک کر دیا گیا۔مسجد انتظامیہ کے مطابق شیخ فیصل نعمان کا انتقال 23 دسمبر کو ہوا، شیخ فیصل نعمان کو 2001 میں مسجد نبوی کا مؤذن مقرر کیا گیا تھا۔ مسجد انتظامیہ نے مؤدن کی آخری اذان کی ویڈیو بھی شیئر کی۔سعوی میڈیا کے مطابق اذان دینا شیخ فیصل نعمان کے خاندان کی روایت رہا ہے۔ ان کے والد اور دادا بھی مسجد نبویؐ میں مؤذن کے فرائض انجام دیتے رہے ہیں۔
Last Adhan raised by Sheikh Faisal Nouman رحمه الله in Masjid An Nabawi on 11 Jumada Al Awwal 1447 | 2nd November 2025 pic.twitter.com/WzM5MwRh21
— Inside the Haramain (@insharifain) December 22, 2025
شیخ فیصل کے والد کو صرف 14 سال کی عمر میں مؤذن مقرر کیا گیا تھا اور 90 برس سے زائد عمر تک یہ خدمت انجام دی۔ والد کے انتقال کے بعد شیخ فیصل نے یہ فریضہ سنبھالا تھا۔مسجد الحرام اور مسجد نبویؐ کے مذہبی امور کے سربراہ شیخ ڈاکٹر عبدالرحمن السدیس نے مرحوم کے انتقال پر گہرے رنج و غم کا اظہار کیا۔ انہوں نے مرحوم کے اہل خانہ اور لواحقین سے تعزیت کا اظہار کرتے ہوئے مرحوم کے لیے بلندی درجات اور مغفرت کی دعا کی۔
