اداکارہ نے حال ہی میں اپنے انسٹاگرام اکاؤنٹ پر نام تبدیل کر کے ’’رمشا خان خٹک‘‘ رکھ لیا، جبکہ پروفائل تصویر میں بھی خوشحال خان کی جھلک شامل کی، جس میں وہ اپنی شادی کی انگوٹھی دکھاتے نظر آ رہے ہیں۔ اس پیش رفت کے بعد مداحوں کے درمیان فوری طور پر مختلف قیاس آرائیاں گردش کرنے لگیں۔مزید برآں، دونوں نے اپنے انسٹاگرام اکاؤنٹس پر اسٹوریز بھی شیئر کیں، جن میں رمشا خان اور خوشحال خان کو عروسی لباس میں دیکھا جا سکتا ہے، جبکہ اداکارہ آئینے کے سامنے سیلفی لیتی نظر آئیں۔ ایک اور جھلک میں یہ جوڑا اپنی پالتو بلی کے ساتھ خوشگوار لمحات گزارتا دکھائی دیا۔
یاد رہے کہ رمشا خان اور خوشحال خان نے ڈرامہ سیریلز ’’بریانی‘‘ اور ’’دنیا پور‘‘ میں ایک ساتھ کام کیا، جہاں ان کی آن اسکرین جوڑی کو مداحوں میں خاصی پذیرائی حاصل ہوئی۔قبل ازیں رمشا خان نے اپنے سوشل میڈیا پروفائل میں بھی نمایاں تبدیلیاں کیں، جن میں نام کی تبدیلی اور پروفائل تصویر کی اپڈیٹ شامل ہے، جس سے ان کی شادی کی قیاس آرائیوں کو تقویت ملی۔جوڑے کی جانب سے شیئر کی گئی تصاویر میں دونوں کے چہرے نمایاں نہیں تھے، تاہم روایتی سرخ لباس میں ان کی ہم آہنگی نمایاں دکھائی دی۔مداحوں اور شوبز شخصیات کی جانب سے اس خوشخبری پر مبارکبادوں کا سلسلہ جاری ہے۔
