جدہ سے لاہور سے آنے والی پی آئی اے کی پرواز حادثے سے بچ گئی۔پرواز پی کے860 اڑان بھرنے کے کچھ ہی دیر بعد ناہموار ہو گئی، طیارے کے کیبن میں ہوا کا دباؤ کم اور آکسیجن کی کمی ہوگئی تھی۔جہاز میں خودکار نظام کے تحت مسافروں کی نشستوں پر لگے آکسیجن ماسک نیچے گر گئے، مسافروں کو آکسیجن ماسک لگانے کی ہدایت کی گئی۔اس موقع پر بعض مسافروں میں خوف و ہراس پھیل گیا، پی آئی اے کے عملے نے مسافروں کو تسلی دی اور آکسیجن ماسک لگانے میں مدد فراہم کی۔
کپتان نے حاضر دماغی اور پیشہ وارانہ مہارت کا مظاہرہ کرتے ہوئے طیارے کو کنٹرول کیاکپتان نے نزدیک ترین دمام ائیر پورٹ کے ائیر ٹریفک کنٹرولر سے رابطہ کیا اور ہنگامی لینڈنگ کی اجازت طلب کی، کپتان نے اجازت ملنے پر طیارے کو بحفاظت اتار لیا۔ترجمان پی آئی اے کا کہنا ہے کہ مسافروں کو لاونج منتقل کرنے کے بعد طیارے کو گراؤنڈ کر دیا گیا، مسافروں کو تمام تر سہولتیں فراہم کی گئیں۔ترجمان پی آئی اے کے مطابق یہ واقعہ جمعہ کی شب پیش آیا تھا، مسافروں کو متبادل پرواز کے ذریعے لاہور پہنچا دیا گیا ہے۔
