بھارت میں جوڑے نے فوٹو شوٹ کے لیے ہائی وے ہی بلاک کردیا۔بھارت میں جوڑے نے مصروف شاہراہ پر بیٹھ کر فوٹو شوٹ کرتے ہوئے ایک حصہ بلاک کرکے متعدد جانوں کو خطرے ڈال دیا جس کی ویڈیو کار کے ڈیش کیم میں محفوظ ہوگئی۔مبینہ طور پر چلتی کار کے اندر سے ریکارڈ کی گئی اس کلپ میں ایک ڈرائیور کو سڑک کے اس حصے کی طرف آتے ہوئے دکھایا گیا ہے جہاں ڈھلوان کی وجہ سے مرئیت محدود ہے جیسے ہی گاڑی قریب آتی ہے، اچانک ایک جوڑا نظر آتا ہے جو ہائی وے کے بائیں جانب کھڑی اسکوٹر پر بیٹھا ہے۔
ایسا لگتا ہے کہ اسکوٹر سڑک کو جزوی طور پر روک رہا ہے کیونکہ دونوں سیلفی کے لیے پوز کر رہے ہیں، آنے والی ٹریفک سے غافل ہیں۔ڈرائیور اپنی گاڑی روکتا ہے اور جوڑے کا سامنا کرتا ہے۔ ’’تم یہاں بیٹھ کر کیا کر رہے ہو؟‘‘ جوڑے نے ڈرائیور پر الزام لگا دیا۔ وہ اس کے اعتراض پر سوال اٹھاتے ہیں اور کہتے ہیں کہ انہیں سڑک پر تصویریں کلک کرنے کا پورا حق ہے۔ویڈیو اس بات کی نشاندہی کرتی ہے کہ کس طرح لاپرواہی کا ایک لمحہ سانحہ ہو سکتا ہے۔
آن لائن شیئر ہونے کے فوراً بعد اس کلپ نے سوشل میڈیا پر شدید بحث چھیڑ دی۔ صارفین نے جوڑے غصے کا اظہار کیا، دوسروں نے ٹریفک قوانین کے سخت نفاذ اور ہائی ویز پر خطرناک رویے کے لیے سخت سزاؤں کا مطالبہ کیا۔کئی صارفین نے نشاندہی کی کہ ہائی ویز کو مسلسل نقل و حرکت کے لیے ڈیزائن کیا گیا ہے اور ایسے علاقوں میں ایک مختصر رکنا بھی جان لیوا ثابت ہو سکتا ہے۔
