یمن سے اردن جانے والی یمنی ایئر ویز کی مسافر پرواز دورانِ سفر شدید طوفان اور ژالہ باری کی زد میں آگئی، جس کے باعث طیارے کے اگلے حصے اور کاک پٹ کے شیشوں کو نقصان پہنچا۔ تاہم پائلٹ کی مہارت کے باعث طیارے کو اردن کے دارالحکومت عمان کے ہوائی اڈے پر بحفاظت اتار لیا گیا۔تفصیلات کے مطابق یمنی ایئر ویز کی پرواز آئی وائی 648 نے عدن کے ہوائی اڈے سے عمان کے لیے اڑان بھری تھی۔ دورانِ پرواز خراب موسم، تیز ہواؤں اور شدید ژالہ باری نے پرواز کو مشکل صورتحال سے دوچار کر دیا۔
شدید ژالہ باری کے باعث ایئربس اے 320 طیارے کے اگلے حصے اور کاک پٹ کی ونڈ اسکرین کو نقصان پہنچا، تاہم پائلٹ اور عملے نے جہاز پر کنٹرول برقرار رکھا اور اسے بحفاظت منزل تک پہنچانے میں کامیاب رہے۔ایئرلائن کے ترجمان حاتم الشعابی کے مطابق واقعے میں طیارے میں سوار مسافروں اور عملے کے تمام ارکان محفوظ رہے۔ حفاظتی اقدامات کے تحت متاثرہ طیارے کو عمان کے ہوائی اڈے پر گراؤنڈ کر دیا گیا ہے تاکہ اس کا مکمل معائنہ اور ضروری مرمت کی جا سکے۔
✈️🇾🇪 شاهد | لطف الله ثم مهارة الطيار تنقذ طائرة اليمنية من حادث جوي خطير! هبطت طائرة الخطوط الجوية اليمنية بسلام في مطار الملكة علياء الدولي بالأردن، بعد تعرضها لضربة ثلجية خلّفت أضرارًا واضحة في مقدمتها قرب قمرة القيادة. وأكدت الخطوط الجوية اليمنية إحالة الطائرة للصيانة، ونقل ركاب رحلة عمّان–عدن على طائرة أخرى وفق مواعيد حجوزاتهم. الحمد لله على سلامة المسافرين، وكل التحية لقائد الطائرة وطاقمها. 🇾🇪
— حضرموت نت (@7adramout_net) October 27, 2026
ترجمان نے مزید بتایا کہ عمان سے عدن جانے والے مسافروں کی روانگی کے لیے متبادل طیارے کا انتظام کیا گیا ہے تاکہ سفر میں مزید تاخیر سے بچا جا سکے۔واقعے نے ایک بار پھر خراب موسمی حالات میں فضائی سفر کے دوران پیش آنے والے خطرات اور پائلٹوں کی مہارت کی اہمیت کو اجاگر کیا ہے۔
